Магистр, докторын түвшин дэх тэтгэлэгт хөтөлбөрүүд: 
     
Төв Европын Их Сургууль

Унгарын Будапешт хотод байрлах тус сургууль нь Америк болон Унгарт магадлан итгэмжлэгдсэн, олон улсын хэмжээнд хүлээн зөвшөөрөгдсөн сургууль бөгөөд бүх хичээл нь англи хэлээр явагддаг онцлогтой. Та бүхнийг нийгэм, хүмүүнлэгийн ухааны чиглэлээр тус сургуулийн магистр, докторын сургалтанд бүтэн болон хагас тэтгэлгээр суралцахыг урьж байна. Хөтөлбөрийн талаархи дэлгэрэнгүй мэдээллийг www.earcmn.org болонwww.ceu.hu хаягаар орж авна уу. 
Өргөдөл авах эцсийн хугацаа: 2012 оны 1 дүгээр сарын 25.

Английн Уорвикийн их сургууль

Боловсролын Зөвлөгөө Мэдээллийн Төвөөс Нээлттэй Нийгэм Хүрээлэн, Уорвикийн их сургуулийн тэтгэлэгт хөтөлбөрт та бүхнийг оролцохыг урьж байна. Тус хөтөлбөрт шалгарснаар Их Британи улсын Уорвикийн их сургуульд 2012-2013 оны хичээлийн жилд дараах чиглэлээр магистрын зэрэг олгох сургалтанд бүтэн тэтгэлгээр суралцах боломжтой. 
Үүнд: Олон улсын хөгжлийн хууль болон хүний эрх, Уран бүтээлийн болон хэвлэл мэдээллийн байгууллага, Дэлхийн хэвлэл мэдээлэл болон харилцаа холбоо, Олон улсын соёлын бодлого болон Менежмент, Жендер болон олон улсын хөгжил, Нийгмийн судалгаа тус тус орно.   
Хөтөлбөрийн талаархи дэлгэрэнгүй мэдээлэл болон холбогдох материлыг www.earcmn.org хаягаар орж авна уу. Мөн сургуулийн талаархи мэдээллийг http://www2.warwick.ac.uk/study/postgraduate хаягаар авна уу. 
Өргөдөл хүлээн авах эцсийн хугацаа 2012 оны 1 сарын 30-ны 16 цаг

Багш нар, судлаачдад зориулсан тэтгэлэгт хөтөлбөр:

Сургалтын хөтөлбөр бололвсруулах богино хугацааны сургалтууд

Унгарын Будапешт хот дахь Төв Европын их сургуулийн Сургалтын Агуулга Боловсруулах Төв нь нийгмийн ухааны багш нарын мэргэжил дээшлүүлэх, сургалтын хөтөлбөр, агуулгыг боловсронгуй болгох зорилгоор богино хугацааны сургалт зохион байгуулдаг бөгөөд энэхүү сургалтанд хичээлийн хөтөлбөрөө шинэчлэхийг эсвэл сургалтын хөтөлбөр боловсруулахад тулгардаг асуудлыг хэлэлцэхийг хүссэн Монголын их, дээд сургуулийн нийгэм хүмүүнлэгийн ухааны багш, судлаачдыг оролцохыг урьж байна:

1. Хичээлийн хөтөлбөр шинэчлэх сургалт
2. Тэнхимүүдэд зориулсан хичээлийн хөтөлбөр боловсруулах сургалт

Манай төвөөс хэрэгжүүлж буй дээрхи тэтгэлэгт хөтөлбөрүүдийн ихэнх нь дараах үндсэн 3 шалгаруулалтаас бүтнэ:

1. Өргөдлийг нягталж үзэх

Бүх өргөдлийг Англи, Унгар дахь их, дээд сургуулиудад илгээдэг бөгөөд тэдгээр өргөдлийг холбогдох мэргэжлийн шинжээчдээс бүрдсэн элсэлтийн комисс нягтлан үзэж шалгаруулдаг.

2. Англи хэлний түвшин тогтоох бичгийн шалгалт

Эхний шалгаруулалтанд өргөдөл нь тэнцсэн хүмүүс англи хэлний Institutional TOEFL, SAT, IELTS зэрэг шалгалтуудын аль нэгийг үнэ төлбөргүй өгнө. Тухайн хөтөлбөрт шаардагдсан оноог авсан хүмүүс ярилцлаганд ордог.

3. Ярилцлага

Ярилцлагыг ихэвчлэн тухайн сургуулиас ирсэн мэргэжилтнүүд авдаг.

Манай хаяг: Сүхбаатар дүүрэг, 8-р хороо, оюутны гудамж, МКМ 24-р байр
Утас: 319016 Факс: 326941 Э-шуудан: sayamaa@earcmn.org, odonchimeg@earcmn.org
Вэб: www.earcmn.org